"Adil Şükürova və komandasına uğurlar arzulayıram. Futbolçularımı təbrik edirəm. Bunu bacardılar. Həqiqətən belə uğurlar, belə çempionluqlar futbolçuları daha da peşəkarlaşdırır, məsuliyyət qazandırır. Şadam ki, bu kollektivlə yenə Azərbaycan çempionu olduq. Rəhbərliyimizi, kollektivimizi təbrik edirəm".

Futbolmedia.az xəbər verir ki, bu sözləri "Qarabağ"ın baş məşqçisi Qurban Qurbanov "Kəpəz"i 6:1 hesabı ilə məğlub edərək çempionluğu rəsmiləşdirdikləri oyundan sonra mətbuat konfransında deyib.

O, daha sonra jurnalistlərin suallarını cavablandırıb:

- Bu klubda sonrakı hədəfiniz nədir?

- Bizim işimiz elədir ki, daim uğurun getməliyik, komandanı uğura hazırlamalıyıq. Əgər biz mövsümboyu daha yaxşı olmalıyıqsa, mütləq hansısa uğur əldə etməli, onu yeniləmək üçün formul düşünməliyik. Baxmayaraq ki, bizim kimi ölkələrdə bu cür uğur nadir hallarda olur. Bəlkə də, 10 il ərzində bir dəfə yaşanır. Hətta biz bunu böyük klubların nəticələrində də şahid olmuşuq. Məsələn, bir il Çempionlar Liqasını qazanan klub, sonrakı 2-3 il ərzində onu təkrarlaya bilmir. Futbolda dəyişikliklər tez-tez olur. Ölkə çempionatına gəldikdə, nə qədər gücümüz var, onu qoruyub-saxlamağa çalışırıq. Daha da məsuliyyətli olmaq istəyirik.

- Milli komandanın baş məşqçi vəzifəsi sizə təklif olunarsa, hansı cavabı verəcəksiniz?

- Bəli, İcraiyyə Komitəsinə namizədliyim verilib. Milli komandanın baş məşqçi vəzifəsi üçün heç bir danışığımız olmayıb. Əvvəllər də mənə bu suallar verilib. Təklif olsaydı, müzakirəsi mümkün idi. Amma hamımızın da bildiyi və eşitdiyimiz qədər deyəsən, baş məşqçi xarici olmalıdır. Bəlkə də, bir ay əvvəl belə fikir var idi. Əfsuslar olsun ki, məsələ haqda bir fikir bildirə bilməyəcəyəm.

- Vaxtından əvvəl çempion olmaq məsuliyyəti daha da artırır. Kollektivi qarşıdakı matçlara necə hazırlayacaqsınız?

- Tam ciddi, tam məsuliyyətlə yanaşacağıq. Sadəcə, bəzi futbolçulara istirahət etmək üçün şərait yaradacağıq. 3-5 gündən söhbət gedir. Milliyə gedən oyunçular oldu. Fasilə zamanı bizimlə olanlara 5 gün istirahət verdik. Bunun faydası da çox oldu. Çünki ehtiyac var idi. Lakin milliyə yollananlar oyunlarda da iştirak etdi. Həmin oyunçulara şərait yaradacağıq ki, bu arada istirahət üçün vaxtları olsun. Mövsüm başa çatdıqdan sonra səhv etmirəmsə, yenə də millimizin bir oyunu var. Onların vaxtı olmayacaq ki, istirahət etsinlər və ÇL üçün hazır vəziyyətdə olsunlar. Amma bu o demək deyil ki, heyəti buraxmayacağıq, bütün görüşlərə ciddi yanaşacağıq. İnanıram ki, hiss edilməyəcək. Hərəsinə bir formada istirahət üçün şərait yaradacağıq.

- Yassin Benzianın durumu nə yerdədir?