"Kəpəz" klubunun müvafiq maliyəsinin vaxtında köçürülməməsinin səbəbini araşdırmaq üçün AFFA-nın Mətbuat katibi Firuz Abdulla ilə əlaqə saxladıq. Futbolmedia.az saytına rəsmi açıqlama verən mətbuat katibi Firuz Abdullanın dediklərini sizlərə təqdim edirik.

"Klublara ayrılan maliyə vəsaiti Yoxlama Təftiş Komitəsi klublar tərəfindən ayrılan hesabatların yoxlanılmasından sonra köçürülür. “Kəpəz” klubunun hesabatı təqdim olunduqdan sonra (YTK) tərəfindən baxılıb. Müəyyən yanlışlıqlar orda aşkarlanıb. Həmin çatışmamazlıqların aradan qaldırılması üçün hesabat təzədən “Kəpəz” klubuna göndərilib. Yenidən “Kəpəz” klubunun hesabatı qeyri iş günü, tətil günlərindən komitəyə daxil olub. Hazırda hesabat yenidən yoxlanılır. Və hər hansı bir qüsur aşkarlanmasa, onların da, maliyə vəsaiti köçürüləcək. Bundan başqa bütün klubların maliyə vəsaitləri hamısı vaxtında köçüb, yalnız “Kəpəz”in maliyə vəsaiti köçməsi yanlış məlumatdır. Bir neçə digər klubların da, hesabatlarında yanlışlıqlar olduğu üçün onların da, vəsaiti hələ köçməyib. Söhbət həmin o, müvafiq maliyədən gedir."

Əli HƏYATİ