Azərbaycan Premyer Liqasında qış fasiləsi höküm sürür.Bu isə o, deməkdir ki, futbolçuların transfer xəbərləri gündəmi bəzəyir. Bir çox yerli futbolçuların transfer xəbərləri gündəmə gəlib. Mövsümün əvvəlində “Kəpəz”ə transfer olunan təcrübəli futbolçu Tural Axundov yeni iş yerində özünü yaxşı tərəfdən göstərməyi bacardı. Gəncə klubunun futbolçusuna artıq iki klubun elçi düşdüyü iddia edilir. Bu iki klubun birinin adına aydınlıq gətirdik. Digəri isə hələ ki, anonim qalıb. Tural Axundovu fasiləyə qədər ölkənin ən stabil oyun sərgiləyən 4 futbolçusundan biri hesab etmək olar. Məhz bu üzdən ona “Səbail” klubundan təklif gəldiyi deyilir. Etibarlı mənbədən aldığımız məlumata görə T.Axundov mövsümün sonunda bölgə klubunu şəhər təmsilçisinə dəyişə bilər. Onun keçidində “Səbail” klubunun rəhbərliyinin də, maraqlı olduğu deyilir. T. Axundovun tanınmış meneceri ona ilk klubun “Səbail” olduğunu bildirib. Çox güman ki, mövsümün sonunda T. Axundov paytaxt təmsilçisinə keçəcək.