“Neftçi”nin baş məşqçisi Laurentsiu Regekampf Misli Premyer Liqasının 10-cu turunda səfərdə “Kəpəz”ə 2:0 hesabı ilə qalib gəldikləri oyundan sonra mətbuat konfransı keçirib.

Futbolmedia.az xəbər verir ki, mütəxəssis ilk olaraq görüşlə bağlı danışıb: “Bizim üçün çox vacib 3 xal qazandıq. Asan meydança, asan stadion deyildi. Otun hündürlüyü normadan artıq idi. Bu səbəbdən də istədiyimiz oyunu göstərə bilmirdik. Top hər dəfə ləngiyirdi. Eyni zamanda, bizim üçün çox ağır həftə oldu. Bir neçə oyunçumuz zədələndi. Bəzən 14 oyunçu ilə məşq keçmək məcburiyyətində qalmışdıq. Oyundan əvvəl Azər Əliyevi də itirdik. Buna görə sistemi də dəyişməli olduq. Bütün bunları nəzərə alaraq, 3 xal qazandığımız üçün şadam”.

O, “Neftçi” cari mövsümdə 3 dəfə bölgəyə səfər edib - Şamaxı, Qəbələ və Gəncə. Bakıdakı oyunlarla bölgədəki matçları necə müqayisə edə bilərsiz?" sualını belə cavablandırıb: "Bölgələrdə oynamaq hər zaman pozitivdir. İnsanlar yerli komandalarını dəstəkləmək üçün stadiona gəlirlər. Bu dəstək bizim oyunumuzu daha da çətinləşdirir. Çünki yerli fanatlar komandanın 12-ci azarkeşinə çevrilir. Bəzən 12-ci oyunçuya qarşı da mübarizə aparmalı olurlar. Lakin çox yaxşı hisslərdir. Mən azarkeşlər önündə oynamağı xoşlayıram".