"Qarabağ"ın kapitanı Maksim Medvedev Azərbaycan kubokunun finalında "Zirə" ilə oyundan (1:1, penaltilər seriyası - 4:3) jurnalistlərin suallarını cavablandırıb.

- Bu gün çox maraqlı final oyunu oldu. İki komanda da ən yaxşı oyununu nümayiş etdirməyə çalışırdı. Gördüyünüz kimi çox maraqlı oyun alındı. İmkanlarımız da var idi. Kobud səhvə yol verdim, bunu dərk edirəm.

- 0:1 məğlub durumda olanda nə düşünürdünüz?

- Nə düşünəcəyəm? Artıq təcrübəliyəm və bilirdim ki, özümü pis hiss etsəm, oyunum daha da pisləşəcək. Çalışırdım ki, həmin epizodu unudum.

- Yəni ki, qələbəyə ümid var idi?

- Əlbəttə. Biz o komandayıq ki, son 3-4 oyunda ilk 20 dəqiqəyə üç qol vurmuşduq. İnanın mənə 80-cı dəqiqəyə də məğlub girsəydik, qol vuracağımıza inanmağa davam edəcəkdik. Düzdür, bu gün bəxtimiz də gətirmirdi. Dirək imkan vermədi, bir neçə qol epizodundan da yararlana bilmədik. Sonda penaltilərlə qalib gəldik. Qələbə qazandığımıza görə sevinirəm.

- Çempionlar Liqasının qrup mərhələsinə vəsiqə qazana biləcəksiniz?

- Onu Allah bilir. Hər bir futbolçunun istəyidir ki, ÇL-də qrupda oynasın. Amma istəklə hər şey bitmir. Gərək çalışasan ki, bu da alınsın.