"Araz Naxçıvan" klubu və rəhbərlik heyətinin canına əməlli başlı vəlvələ düşüb desək yanılmarıq. Komanda uzun zamandır ki, uğursuz çıxış edərək, çox sayda məğlubiyyətlər alıb. Komandanın işləri heç cürə yaxşı getmir. Klubun yeni rəhbərliyi Ceyhun Sultanov və baş məşqçi Cavid Hüseyinov komandanı "qara zolağ"dan çıxarda bilmirlər. Futbolmedia.az saytının etibarlı mənbədən aldığı məlumata görə, gələn turda baş məşqçi Cavid Hüseynovun istefası baş tuta bilər.

Gələn tur "Kəpəz"lə oyunda klub xal itirəcəyi halda rəhbərlik Cavid Hüseyinova qapını göstərəcəyi bildirilir. Yəni baş məşqçiyə "Kəpəz"lə oyunda son şans verilib. Bu işdə təkcə baş məşqçi deyil, kluba rəhbərlik edən Ceyhun Sultanovun da, iş yarıtmazlığını əlavə etsək yanılmarıq. Çünki onun gəlişindən sonra keçən mövsüm güclü olan "Araz Naxçıvan"dan əsər-əlamət yoxdur. Komanda heç özünə bənzəmir. Heyətində kifayyət qədər güclü yerli və legioner futbolçular olsa da, uğursuzluq sindromu davam edir. Çox güman ki, klubun əsl sahibi Zaur Axundov uğursuzluq davam edərəs, Ceyhun Sultanovu da, postundan qovacaq.