Azərbaycanı Çempionlar Liqasınıda "Qarabağ" klubumuz təmsil edəcək. Böyük sevinc və fəxr hissidir. Hər kəs bu sevincini açıq-aydın göstərirdi. Lakin həm mətbuat, azarkeşlər, hətta futboldan düz-əməlli başı çıxmayanlarda "Qarabağ"a mütləq hücumçuların transferinin lazım olduğunu deyirdi. Əlbəttə ki, belə mötəbər turnirlərdə, hələ ki, Liverpul, Napoli, Çelsi, Ayaks kimi klublarla bir yarışmada varsansa, yaxşı transferlərin olmalıdır. İndi gələk məsələnin real prizmadan baxılmasına. Bəli. "Qarabağ" son ana qədər mücadilə etdi ki, Juninyonu, Sambunu, heç olmasa Klovisi transfer edərək güclənsin. Lakin alınmayanda da, alınmır. Bu transferlərin alınmamasının səbəbi nə Tahir Gözəl, nə Əmrah Çəlikəl, Asif Əsəfəgrov, nə dəki, Qurban Qurbnovdur. İnanın mənə transferlərin alınmasını klub rəhbərliyi, Qurban Qurbanov hamıdan daha çox istəyirdi. Axı bu illər ərzində onalrın zəhməti, əziyyəti, sistemi və xərclədiyi pulların sayəsində "Qarabağ" dünyada tanındı. Məhz onların gecə -gündüz, fasiləsiz, yuxusuz əziyyətləri, xidmətləri sayəsində bu gün "Qarabağ"ın uğurlarından fəxrlə danışırıq. Bu uğurlar onalra aitdir. Nə biz jurnalistlər, nə də ki, azrakeşlər onlar qədər əziyyət və zəhmət çəkməmişik. Azərbaycanın fəxri, futbolda başımızın ucalığı olan "Qarabağ"a bu qədər aqressiya, həddindən artıq tənqid yol verilməzdir. Biz də bilirik ki, "Qarabağ"ın son saniyəyə qədər istədiyi futbolçuların qiymətini klubları 2-3 qat artırmışdılar.

Ayqlarını dirəyib maliyə məsələsində güzəşt etmədilər. Bir də, "Qarabağ"ın transferə ayrılan büdccəsi "Liverpul kimi 500 milyon dollar deyil ki, istədiyi məbləği xərcləsin. Yaxşı azarkeşlər bilmir danışır ki, "Qarabağ"a UEFA - dan 15 milyon avro gəldi. Dövlət 5 milyon ayırdı. Pullarl vardı ala bilərlər deyərək klubu qınadılar. Bir baxın görün "Qarabağ"ın heyətində nə qədər legioner futbolçular var. Hər biri kifayyət qədər yüksək məbləğ qarşılığında futbolu zəif olan Azərbaycanda oynamağa razılıq veriblər. Həm yerli, həm də,legioner futbolçuların maaşlarını, bonuslarını, mükıfatlarını "Qarabağ" nə ilə ödəməlidir ki? məgər "Qarabağ" təkcə UEFA-dan ayrılan gəlirlə yaşayır? əlbəttə ki, yox. Eyni zmanda yeni mövsüm üçün "Qarabağ" baxın görün neçə legioner futbolçu transfer etdi. Dani Bolt, . Sami Mmaee,Pedro Bikalyo, Kris Kuaku,Kamilo Duran kimi legionerlərin gəlişi həm də böyük maliyə xərcidir. Hər birnin həm transferinə, həm də, onlara veriləcək maaş üçün böyük xərclər var. "Qarabağ" bu pulları yerdən yığmır axı. Bir də ki, məgər "Qarabağ" Çempionlar liqasına hücumçusuz gedir ki??? Heyətdə Musa və Nəriman Axundzadədən başqa, Addai və yeni taransfer Kamilo Duran var. Bu qədər aqressiv, yersiz, tənqiddlərə ehtiyac yoxdur cənablar. Bu bizim hamımızın "Qarabağ"dır. Sabah "Qarabağ" ÇL-də "Napoli"dən, "Benfika"dan xal alanda, "Liverpulda sensasiyaya imza ataraq, İngiltərədən xalla qayıdan zaman, sevinc göz yaşlarımızla bravo , möhtəşəmsən "Qarabağ" deyəcəyik. Gəlin indidən kinli, aqresiyalı, açıqlamalarla tənqidlərlə, yazılarla, hadisələri qabaqlamayaq. Bu bizim "Qarabağ" hər zaman bizi yaxşı mənada təəccübləndirməyi bacarıb. İnanıram ki, bu il ÇL-də bizləri sevindirəcək. Gəlin bir olaq, "Qarabağ"ın yanında olaq. Həm mətbuat, həm də, azarkeşlər tarix yazan klubumuz "Qarabağ"a dəstək olaq.

Əli HƏYATİ