Bu gün “Qarabağ” Çempionlar Liqası üçün sifariş ərizəsini UEFA-ya göndərəcək.

Futbolmedia.az-ın xəbərinə görə, sifariş ərizəsində Liqa mərhələsində oynayacaq futbolçuların adları yer alacaq. Sifariş ərizəsi ən geci saat 23:59-dək göndərilməlidir.

Qeyd edək ki, hazırda Ağdam klubunun hücum xəttinə almaq istədiyi azı bir legioner oyunçu var. Bununla əlaqədar son ana qədər onların klubları ilə danışıqlar davam edir. Əgər yekun razılıq əldə olunarsa, artıq bu gün transfer elan olunacaq və yeni oyunçunun da adı sifariş ərizəsinə salınacaq.

Xatırladaq ki, “Qarabağ” ÇL-də ilk matçını sentyabrın 16-da Portuqaliyada “Benfika”ya qarşı keçirəcək.