"Qarabağ"ın UEFA Çempionlar Liqasının pley-off mərhələsinin cavab oyunu çərçivəsində Bakıda "Ferensvaroş"la (Macarıstan) qarşılaşmadan sonra Liqa mərhələsinə yüksəldi. Səfərdə qalib gələn təmsilçimiz iki oyunun nəticəsinə görə daha bir tarixi nəticəni təkrarladı. "Qarabağ"ın bütün bu uğurlu nəticələrinin arxasında böyük zəhmət, peşəkar səviyyədə görülən işlər durur. İllr öncə "Qarabağ" klubunun rəhbəri vəzifəsinə gələn Abdulabari və Tahir Gözəl klubun inkişafı üçün böyük işlər görməyə başladılar. Hər şey pillə -pillə oldu. İlk olaraq klubun idman direktoru vəzifəsinə hammızın çox yaxşı tanıdığımız, hörmət etdiyimi Emrah İşıq Çelikel gətirildi. Müəyyən zaman sonra komandanın baş məqçi postuna Qurban Qurbanov təyin edildi. Məhz uğura gedən yol bu iş birliyinin başlanğıcından start götürüldü. Tahir Gözəl, Emrah Çelikel və Qurban Qurbanov klubda və "Qarabağ" camiəsində özlərinə məxsus, peşəakar, intizamlı bir sistem yaratdılar. Elə bu sistem klubun peşəkarlaşmasında, uğurlara imza atmasında müstəsna rol oynadı. Zaman keçdi və "Qarabağ" həm çemponatda, həm də, avropa yarışlarında mərhələlər keçib, uğurlar qazanmağa başladı. Düz 10 ildir ki, bu sistem, klub və idarə heyətinin zəhməti sayəsində Azərbaycan futbolu tarixi nəticələrə imza atır. Bu bir peşəkarlıq, sevgi, zəhmət nəticəsində başa gələn bir uğurdu. İdarə heyətində Thir Gözəl, Emrah Çelikel, Qurban Qurbanov, Asif Əsəgərov və sair şəxsiyyətlərin işi digər klublarımız üçün örnək olmalıdır.

"Qarabağ" klubunun bu uğurlarında ən böyük pay sahiblərindən biri Emrah Çelikeli göstərmək istərdim. Bəli. Qurban Qurbanov, futbolçuların çox zəhməti var. Lakin bütün uğurlu nəticələrin başnda möhtəşəm bir sistem, nizam -intizam, peşəkarlıq durur. Məhz bu sistemin yaranması və formalaşmasında Emrah Çelikəl və Qurban Qurbanovun əməyi çoxdur. Bizlər, azarkeşlər, jurnalistlər aysberqin görünən tərəfini müşahidə edə biərik. Lakin gerisində olan çətinlikləri məhz bu şəxsiyyətlər həll edir. Tahir Gözəl, Emrah Çelikel klublar içərisində ən çox sevilən və hörmət edilən rəhbər şəxslərdəndi. Azərbaycan futbolu üçün müstəsna xidmətləri olan bu insanları, nəinki azarkeşlər, sadə insanlar sevir. Həmçinin Azərbaycan mediasında jurnalistlərin də, çox böyük rəgbəti var. Çünki daima mehriban ünsiyyət,sadəlik və eyni zamanda bir peşəkarlıq durur. İnanırıq ki, "Qarabağ" avropa turnesində daha böyük uğurlara imza atacaq. İllərdi Azərbaycan futbolunu yaşadan, avropa və dünyada imicini yüksəldən klub məhz "Qarabağ"dır. Təmsilçimizə Çempionlar Liqasında uğurlar arzu edirik. Tahir Gözəl demişkən"Qarabağ" Azərbaycanın qürurudur.

Əli HƏYATİ