"Turan Tovuz"un baş məşqçisi Kurban Berdıyev Misli Premyer Liqasının 35-ci turunda "Sumqayıt"a 1:0 hesabı ilə qalib gəldikləri oyundan danışıb.

Futbolmedia.az xəbər verir ki, o, matçdan sonra keçirilən mətbuat konfransında deyib: "Düşünürəm ki, layiqli qələbə qazandıq. Daha çox qol vura bilərdik. Əlimizə düşən bəzi fürsətlərdən yararlana bilmədik. Allaha şükür qələbə qazandıq".

Mütəxəssis komandada olan zədəli futbolçuların nəticəyə təsir olduğunu bildirib: "Denis Marandiçi, Roderik Miller, Şəhriyar Əliyev və Jo Batistanın zədələri bizi ciddi şəkildə geriyə saldı. Üç müdafiəçinin itkisi mövsümün ikinci yarısına böyük təsir göstərdi. Yeni ilə qədər bizdə ikinci yarıda buraxdığımız səhvlər olmamışdı. Transferlər dərhal uyğunlaşa bilmədilər".

K.Berdıyev "Turan Tovuz"un turnir cədvəlində dördüncü yerdə qərarlaşması haqda belə deyib: "Əgər mövsümün əvvəlində mənə dördüncü olacağımızı desəydilər, yəqin ki, razı olardım. Amma indi mövsümün necə keçdiyini nəzərə alsaq, elə bir məmnunluq yoxdur".