"Turan Tovuz"un baş məşqçisi Kurban Berdıyev Misli Premyer Liqasının 10-cu turunun "Sumqayıt"la görüşündən (4:2) sonra keçirilmiş mətbuat konfransında iştirak edib.

Futbolmedia.az xəbər verir ki, o, oyunla bağlı fikirlərini bölüşüb: "İki fərqli hissə izlədik. "Zirə" ilə oyunun birinci hissəsində pis çıxış etsək də, ikinci hissədə dönüş edə bilmişdik. Bu dəfə tam əksi oldu. Səbəbini araşdıracağıq".

Mütəxəssis "Sumqayıt"la turnirin birinci dövrəsində keçirilən (1:0) oyun haqda da söz açıb: "İki oyunu müqayisə etsək, indi daha müdrik oynamağa başlamışıq. Həm hücumda, həm də müdafiədə belədir. Tovuzda da, burada da ikinci hissənin əvvəlini uduzmuşduq".