"Heç-heçə qanunauyğunluq idi. Baxmayaraq ki, qolu son dəqiqədə vurduq. Oyunun nəticəsi bərabərlik idi".

Futbolmedia.az xəbər verir ki, bu sözləri "Turan Tovuz"un baş məşqçisi Kurban Berdıyev Misli Premyer Liqasının 8-ci turunda bu gün səfərdə "Şamaxı" ilə keçirilən oyundan sonra mətbuat konfransında deyib.

Türkmənistanlı mütəxəssis 2:2 hesabı ilə başa çatan matçı belə şərh edib: "Miller zədəli idi. Buna görə onu sonradan oyuna buraxdıq. Sadiq Şəfiyevlə Araş Qaderiyə də şans vermək və onları meydanda görmək istədik".

Berdıyev son 3 oyunda qalib gələ bilməyən komandasının enişdə olduğunu düşünmür: "Düzdür, nəticələr qaneedici deyil. Amma bunu eniş kimi qəbul etmirik".