"Mançester Yunayted"in baş məşqçisi Erik ten Haq Avropa Liqasında 1/8 finalın ilk oyununda “Betis” üzərindəki qələbədən (4:1) danışıb.

Futbolmedia.az saytı BBC-yə istinadən xəbər verir ki, mütəxəssis komandasından razı qaldığını deyib:

“Hər iki hissədə çox yaxşı oynadıq. Fasiləyə 3-0 öndə yollanmalı idik. Amma bir səhvə yol verdik və ilk hissəni 1:1 hesabı ilə başa vurduq. Biz yaxşı qollar vurduq, azarkeşlərə dəstəklərini göstərmək üçün səbəb verdik. Onlar da bizə dəstək oldular, buna görə çox minnətdarıq. Topla yaxşı işlədik, çoxlu şanslar yaratdıq.

Komandanın uğursuzluqlara necə reaksiya verdiyini görmək həmişə əladır. Bu mövsüm ilk dəfə deyil ki, hər şeyə yenidən başlayırıq. Bu komandanın xarakteri var, ona görə də ona qiymət verirəm".

Qeyd edək ki, bu komandalar arasında cavab oyunu martın 16-da olacaq.