"Liverpul"un baş məşqçisi Yurgen Klopp İngiltərə Premyer Liqasının 26-cı turunda "Mançester Yunayted"ə qarşı keçirəcəkləri oyun ilə bağlı danışıb.

Futbolmedia.az İngiltərə mətbuatı"Sky Sports"a istinadən xəbər verir ki, mütəxəssis görüşü həvəslə gözlədiyini, matçın maraqlı keçəcəyini deyib:

“Mən bu oyunu səbirsizliklə gözləyirəm. Futbol bir oyundur! "Mançester Yunayted" bizdən daha yaxşı mövsüm keçirir, lakin bu, hələ heç nə demək deyil. Belə şeylər o anlama gəlmir ki, biz qələbə qazana bilməyəcəyik. Bu cür matçların ətrafında bəzən çox da xoş olmayan reallıqlar çıxır. Bazar günü 95 və ya 98 dəqiqə ərzində ən vacib şey futbol olacaq. Bütün dünya bu oyuna baxacaq. "Mançester Yunayted"lə nə vaxt qarşılaşsaq, həmişə böyük oyun olur.

"Mançester Yunayted" indiyə qədər ən yaxşı mövsümünü keçirir. Onlar hələ də Premyer Liqanı qazanmaq üçün mübarizə aparırlar. Lakin bizə qarşı oynamağın hələ də inanılmaz dərəcədə çətin olduğunu göstərməliyik. Biz əmin olmalıyıq ki, onlar bunu başa düşürlər. Qarşıakı oyunda qalib gəlmək istəməyimin 5 milyon səbəbi var. Əgər "Liverpul"un baş məşqçisisənsə, "Mançester Yunayted"də baş verən yaxşı şeylərə sevinməyin mümkün deyil. "Mançester Yunayted"in nə etdiyi ilə maraqlanmıram. Mən sadəcə olaraq onlara hörmət edirəm".

Qeyd edək ki, "Liverpul" - "Mançester Yunayted" oyunu martın 5-də keçiriləcək və Bakı vaxtı ilə saat 20:30-da başlayacaq.