"Liverpul"un baş məşqçisi Yurgen Klopp Çempionlar Liqasının yarımfinalında "Vilyarreal"a qalib gələrək finala adlamaları barədə danışıb.

Futbolmedia.az UEFA-nın rəsmi saytına istinadən xəbər verir ki, "mersisaydlılar" İspaniya təmsilçiinə ilk matçda 2:0, cavab oyununda isə 3:2 hesabı ilə qalib gəlib. Klopp cavab görüşündən sonra təşkil olunan mətbuat konfransında deyib:

“Fasilə zamanı futbolçulara dedim ki, ikinci hissədə birincidən daha yaxşı oynamalıdırlar. Mən köməkçilərimdən birinci hissədə nəyi düzgün etdiyimizə dair, oyunçulara nə etməli olduqlarını xatırlatmaq üçün gətirə biləcəyimiz bir nümunə tapmağı xahiş etdim. Amma onlar mənə dedilər: "Heç nə yoxdur". Buna görə də mən sadəcə futbolçulara dedim ki, onlar daha ox boşluqlar tapmalı, daha çevik olmalıdırlar. İlk hissədəki problemimiz Dioqo Yota deyildi. İlk hissədə on bir problem yaşadıq. Burada nə inanılmaz bir stadion var. Rəqibin baş məşqçisi Unay Emeri əla iş görür! Rəqib yaxşı oynadı, amma biz qələbəyə layiq idik. futbolçularımıza dedim ki, ertəsi gün qonaqların nə qədər dözümlü olduqları barədə başlıqlar görmək istəyirəm. İlk hissədə "Vilyarreal"ın çıxışına görə necə çətinlik çəkdiyimizi, lakin geri dönüş etməyi bacarmağımızın həqiqətən təsir edici olduğunu görə bilərsiniz. Bu mövsüm 500 oyun keçirmiş kimi hiss edirik, ona görə də bu qələbə böyük hissdir”.

Qeyd edk ki, "Liverpul" finalda "Real" - "Mançester Siti" cütünün qalibi ilə üz-üzə gələcək.