"Rəqib komandanın heyətində kifayət qədər yaxşı futbolçular var. Özlərini yaxşı göstərdilər. Hər kəs bacardığı oyunu göstərdi. Lakin belə komandalarla oyunlarda da qələbə qazanmaq lazımdır. Amma bizə nəsib olmadı".

Futbolmedia.az xəbər verir ki, bu sözləri "Sumqayıt"ın baş məşqçisi Aleksey Baqa Azərbaycan Premyer Liqasının 19-cu turunda səfərdə "Neftçi"yə uduzduqları oyundan (1:2) sonra mətbuat konfransında deyib.

"Biz indi özümüzə rəqib seçə bilmərik. Çünki o vəziyyətdə deyilik. Hər oyuna son matç kimi çıxırıq. Xal qazanmaq lazımdır. İstəyir rəqib "Neftçi" olsun və ya başqası. Ona görə də belədir" - deyə belaruslu mütəxəssis əlavə edib.

- Bura gələndən rəqibləri qələbə münasibətilə təbrik edirsiniz. Sizcə, biz sizi nə vaxt təbrik edəcəyik?

- Düşünürəm ki, bu məqam da gələcək. İndi biz peşəkarlığımızı qorumalıyıq. İstər meydanda, istərsə də paltardəyişmə otağında maksimum peşəkar olmalıyıq. Qələbənin resepti də budur. Biz ancaq bu şəkildə qələbə qazana bilərik. İnanıram ki, sizin də məni qələbə münasibətilə təbrik edəcəyiniz oyun olacaq.