“Çelsi”nin yeni baş məşqçisi ilə bağlı detallar ortaya çıxıb.

Futbolmedia.az xarici KİV-ə istinadən xəbər verir ki, hazırda klub müvəqqəti baş məşqçi təyin etmək üzərində aktiv şəkildə çalışır.

“Çelsi”nin uzunmüddətli əsas hədəfi hazırda “Aston Villa”ya rəhbərlik edən Unay Emeridir. Həmçinin, bildirilir ki, London klubu son həftələrdə mövsümün sonunda “Kristal Pelas”dan ayrılması mümkün olan Oliver Qlasnerin nümayəndələri ilə qeyri-rəsmi danışıqlar aparıb.

“Çelsi” rəhbərliyi daha əvvəl Enzo Mareska ilə yolları ayırmaq qərarına gəlib. İtaliyalı mütəxəssis 2024-cü ilin yayından etibarən londonluları çalışdırırdı.

Paytaxt təmsilçisi cari Premyer Liqa mövsümündə 19 oyun keçirib və 30 xal toplayıb. Komanda bu nəticə ilə turnir cədvəlinin 5-ci pilləsində qərarlaşıb.

“Çelsi” UEFA Çempionlar Liqasının 4-cü turunda Bakıda “Qarabağ”la qarşılaşıb – 2:2.