“Mançester Yunayted”in baş məşqçisi Maykıl Kerrik UEFA Çempionlar Liqasının Liqa mərhələsinin 1-ci turunda “Sabah” üzərində qazandıqları qələbə haqda fikirlərini bölüşüb.

Futbolmedia.az xəbər verir ki, ingiltərəli mütəxəssis "TNT Sports"a açıqlamasında əvvəlcə komandasının çıxışını dəyərləndirib:

“Əlbəttə ki, qapımızı toxunulmaz saxlamaq və qələbə qazanmaq qazanmaq xoşdur. Bir çox müsbət məqam var idi. Düşünürəm ki, hücumçularımızdan bəziləri fantastik çıxış etdilər. Göstərdiyimiz futbolun bəzi epizodları həqiqətən çox yaxşı idi. Keçidlər zamanı təhlükəli idik və əsasən çox yaxşı müdafiə olunduq".

Mütəxəssis Azərbaycan klubu barədə xoş sözlər deyib: “Sabah”ı təbrik edirən. Bu komandaya qarşı oynamaq çox çətindir. da böyük kredit verməliyəm. Qarşılaşılması çox çətin olan komandadır. Onlar qısa ötürmələrlə kombinasiyalar qurur və topu geri qazanmaq üçün sizi çox işləməyə məcbur edirlər. Nəticə rahat görünür, amma oyun həmişə belə keçmədi. Düşünürəm ki, bu axşam bir çox yaxşı iş gördük və bu da bizə yaxşı nəticə qazandırdı.

Kobbi Maynu fantastik futbolçudur, bunu görmək olduqca asandır. O, bir qədər daha geridə oynayaraq hücumları birləşdirir, onları başladır və oyunlarımıza böyük təsir göstərir. Onun komandada olması əsl zövqdür. O, öyrənmək, inkişaf etmək və dinləmək istəyir, eyni zamanda meydanda özünü ifadə edir. Bunu görmək çox xoşdur.”