“Arsenal”ın baş məşqçisi Mikel Arteta Çempionlar Liqasında “Lans” üzərində qazanılan böyükhesablı qələbəni (6:0) şərh edib.

Futbolmedia.az “RMC Sport”-a istinadən xəbər verir ki, 41 yaşlı mütəxəssis hər şeyin ilk 30 dəqiqədə baş verdiyini söyləyib:

“Bunu heç xəyalımda belə görməmişəm. Bu gün pley-off mərhələsinə vəsiqə qazanmaq və qrupda birinci olmaq şansımız oldu və düşünürəm ki, bunu çox yaxşı komandaya qarşı bacardıq. Əvvəldən komandamız çox aqressivlik və əzmkarlıq nümayiş etdirdi. Hər şey ilk 30 dəqiqədə baş verdi. Bu, həqiqətən də matçda qələbə qazanmağa kömək etdi. Bu yolla qalib gələ bilməyimiz çox gözəldir. Evdə göstərdiyimiz ardıcıllıq, qol buraxmamağımız və çox qol vurmağımız həqiqətən müsbət amildir. Bu oyunçular belə təcrübəyə malik olmalıdırlar və inanmalıdırlar ki, biz bunu istənilən rəqibə qarşı edə bilərik”.