“Hall Siti”nin sahibi Acun İlıcalı yay transfer pəncərəsi üçün ayrılan büdcəni açıqlayıb.

Futbolmedia.az bu barədə “haberler.com”a istinadən məlumat verir. Türkiyəli iş adamı komandanın transferlərə təxminən 250 milyon avro xərcləməyə hazır olduğunu bildirib.

İlıcalı qeyd edib ki, məqsəd təkcə futbolçu almaq deyil, həm də uğurlu transfer faizini yüksək səviyyədə saxlamaqdır:

“Hazırda transferlərimizin təxminən 80 faizi uğurlu alınıb. Hər addımı diqqətlə planlaşdırırıq və bütün qərarları baş məşqçimizlə tam razılaşdırılmış şəkildə veririk. Premyer Liqada mübarizə aparacaq güclü və sabit heyət formalaşdırmaq istəyirik”, - deyə o bildirib.

Qeyd edək ki, “Hall Siti” 2025/26 mövsümünün sonunda Çempionşipin pley-off finalında “Midlsbro”nu məğlub edərək İngiltərə Premyer Liqasına vəsiqə qazanıb.