“Lester Siti” heyətini yeni futbolçu ilə gücləndirib.

Futbolmedia.az xəbər verir ki, Premyer Liqa klubu Avstraliya yığmasının və “Stok Siti”nin mərkəz müdafiəçisi Harri Suttarı transfer edib. Bu barədə klubun mətbuat xidməti məlumat yayıb.

24 yaşlı futbolçu ilə 2028-ci ilin 30 iyununa kimi müqavilə imzalanıb. “Lester Siti” bu transfer üçün “Stok Siti”yə 17 milyon avro ödəyib.

Qeyd edək ki, Suttar 2016-cı ildən oynadığı “Stok Siti”də 70 oyuna 2 qol vurub. Futbolçu bu müddətdə “Ross Kaunti” və “Flitvud Taun”da icarədə də oynayıb. O, Avstraliya yığmasında 14 oyuna 6 qol vurub.