"Şamaxı"nın baş məşqçisi Ayxan Abbasov Misli Premyer Liqasının 30-cu turunda "Sabah"a məğlub odluqları matç (0:3) haqda danışıb.

Futbolmedia.az xəbər verir ki, baş məşqçi rəqibi çempionluq münasibətilə təbrik edərək məcburi əvəzetmənin matçın qırılma anı olduğunu bildirib:

"Sabah"ı çempionluq münasibətilə təbrik edir və onlara gələcəkdə uğurlar arzulayıram. Bizi tək qoymayan azarkeşlərimizə dəstəklərinə görə minnətdaram. David Santosun zədələnməsi isə bu oyunun əsl qırılma anı oldu. Gənclərə şans verdik və müəyyən qol epizodları yaratmağı da bacardıq. "Sabah" kimi komandaya qarşı oynamaq çətindir. Qarşıda hələ üç oyunumuz var, mövsümü maksimum dərəcədə yaxşı başa vurmağa çalışacağıq".