“Şamaxı”nın baş məşqçisi Ayxan Abbasov deyir ki, son oyunlarda çətinliklər yaşayırlar, çünki heyətlə bağlı problemləri var.

Futbolmedia.az xəbər verir ki, o, bu barədə Misli Premyer Liqasının 35-ci turunun “Araz Naxçıvan”a qarşı evdə keçirilən oyundan (0:1) sonra təşkil edilən mətbuat konfransında bildirib.

2024/25 mövsümünü komandası üçün dəyərləndirən 43 yaşlı məşqçi yarışın komandası üçün uğurlu alındığını və Premyer Liqadakı yerlərini qoruduqlarını deyib.

“Araz Naxçıvan” bugünkü qələbədən sonra Premyer Liqada 3-cü yeri və Konfrans Liqasına vəsiqəni təmin edib. Ayxan Abbasov bu münasibətlə rəqibi təbrik edib. O, həmkarı Elmar Baxşıyevin "Araz-Naxçıvan"da yaxşı iş gördüyünü də söyləyib.

“Qarşıda daha bir oyunumuz var, sonra isə növbəti mövsümə hazırlaşacağıq. Bizim üçün çətin olacaq”.

O deyib ki, yeni transferlər olacaq, amma əvvəlcə büdcə müəyyənləşməlidir:
“Əgər "Şamaxı"da qalsam, güclü bir komanda qurmağa çalışacağam”.