"Keşlə”nin məşqçisi Zaur İsmayılov Azərbaycan Premyer Liqasının 6-cı turunda "Sabah"a 2:0 hesabı ilə qalib gəldikləri oyundan sonra mətbuat konfransı keçirib.


Futbolmedia.az mətbuat konfransını sizlərə təqdim edir.

Ağır oyun keçdi. Hər iki komanda son sıralarda idi. Hər iki tərəfə qələbə lazım idi. Sevinən tərəf biz olduq.Futbolçulara təşəkkür edirəm. Rəqibə uğurlar arzulayıram.

- Sanki Sənan Qurbanovun texniki zonada yoxluğu daha çox “Keşlə”nin xeyrinədi...

- Belə deməzdim. O, kənardan da olsa, göstərişlərini verirdi. Qələbəmiz çoxdandır gözlənilirdi.

- Matçdan sonra Felipe Santozdan tərbiyəsiz jesti oldu. Epizodu gördünüzmü?

- Görmədim. Baxacağıq, belə bir şey olubsa, cəzasını alacaq.

- 90 dəqiqə qapandınız. Bu sizin tapşırığınız idi, yoxsa komanda məcburən geri çəkilirdi?

- Rəqibi mərkəzdə qarşılamaq istəyirdik. Erkən qoldan sonra da arxaya çəkildik. Bu, rəqibin hücumları ilə bağlı idi. "Sabah"da texnikalı futbolçular çoxdur. İrəli çıxsaq, çoxlu təhlükələr ola bilərdi.

- Komanda son iki matçda 4 xal toplayıb. Belə məqamda çempionatda fasilə yaranması komandanın ziyanına olmayacaq ki?

- Fasilə olmasa, daha yaxşı olardı. Hər halda biz də boşluqlarımızın üzərində işləyəcəyik