“Barselona”nın idman direktoru Deku komandanın hücumçusu Markus Reşford haqqında fikirlərini bölüşüb.

Futbolmedia.az “Times Sport”-a istinadən xəbər verir ki, portuqaliyalı funksioner Reşfordun Kataloniya klubunda özünü çox rahat hiss etdiyini və artıq meydanda əvvəlki inamını bərpa etməyə başladığını bildirib:

“Reşford “Barselona”da xoşbəxtdir. O, fantastik oyunçudur. “Mançester Yunayted”də nəsil dəyişikliyi dövrü onun üçün çətin oldu. Sən komandanın vacib oyunçususan və üzərində böyük məsuliyyət var. Bu, asan deyil”.

Reşford yay transfer pəncərəsində “Mançester Yunayted”dən mövsümün sonuna qədər icarəyə götürülüb. Kataloniya klubu onu 30 milyon avroya alma hüququna malikdir.

İngiltərəli futbolçu cari mövsümdə bütün turnirlər üzrə 18 oyunda iştirak edərək, 6 qol vurub və 9 məhsuldar ötürmə verib.