Hücumçu Markus Reşford “Mançester Yunayted”i qış transfer pəncərəsində tərk edə bilər. Mətbuat 27 yaşlı futbolçunun adını bir sıra klublarla, xüsusən də, “Barselona” ilə bağlayır.

Futbolmedia.az xəbər verir ki, lakin “Bild”-in məlumatına görə, Reşfordun transferində lider mövqeyində olan klub Dortmund “Borussiya”sıdır. Hər şey plan üzrə getsə, Reşford artıq gələn cümə günü Dortmundda tibbi müayinədən keçə bilər.

Reşford cari mövsümdə 24 oyunda iştirak edib, 7 qol vurub və 3 məhsuldar ötürmə verib. “Transfermarkt” portalı futbolçunun qiymətini 55 milyon avro olaraq dəyərləndirir.