"Barselona" "Mançester Yunayted"in futbolçusu Markus Reşfordu hədəfləyib.

Futbolmedia.az xəbər verir ki, bu barədə insayder Fabrizio Romano məlumat yayıb.

"Yuventus", "Milan", "Borussiya" (Dortmund) ilə bərabər Kataloniya klubu da 27 yaşlı ingiltərəli hücumçunun icarə şərtləri ilə bağlı məlumatlandırılıb. "Barselona" və futbolçunun təmsilçiləri arasında danışıqlar artıq bu həftə başlayıb.

Qeyd olunur ki, digər klublar kimi, İspaniya təmsilçisi qərar verməyib və məsələ ilkin mərhələlərdədir.