"Səbail"in baş məşqçisi Cavid Hüseynov Misli Premyer Liqasının 22-ci turunda "Qarabağ"a 0:5 hesabı ilə uduzduqları oyundan danışıb.

Futbolmedia.az xəbər verir ki, o, matçdan sonra keçirilən mətbuat konfransında deyib:

"Qarabağ"la ardıcıl iki dəfə qarşılaşdıq. 3 gündən sonra bu komanda ilə qarşılaşmaq bizim üçün çətin oldu. Təxminən 65 dəqiqə yaxşı oyun nümayiş etdirdik. Heyətimiz olduqca kasaddır. Dünən baş tutan məşqdə 15 futbolçu iştirak edib. Bir neçə gün öncə kubok matçı olmasaydı, bu gün 90 dəqiqə yaxşı mübarizə görə bilərdik".