"Kəpəz"in baş məşqçisi Azər Bağırov Misli Premyer Liqasının 17-ci turunda "Neftçi"yə 1:2 hesabı ilə uduzduqları oyundan danışıb.

Futbolmedia.az xəbər verir ki, o, görüşdən sonra keçirilən mətbuat konfransında deyib:

"Oyuna yaxşı hazırlaşmışdıq. Deməzdim, taktiki səhvlər oldu. Texniki səhvlərdən qapımızda birinci hissədə 2 qol gördük. İkinci hissədə aqressiyanı artırıb, məncə, daha yaxşı oynadıq. Qol epizodlarımız oldu, fərqlənə bilərdik. Oyun heç-heçə də bitə bilərdi, amma reallıqla barışmaq və daha yaxşı hazırlaşmaq lazımdır".

Qeyd edək ki, 17 oyundan sonra "Kəpəz" 10 xal toplayaraq 9-cu yerdədir. Gəncə təmsilçisi sonuncu yerdə olan "Səbail"dən 1 xal öndədir.