"Səbail"in baş məşqçisi Şahin Diniyevin Futbolmedia.az saytına müsahibəsi.



Şahin müəllim Türkiyə təlim-məşq toplanışını necə dəyərləndirərdiniz. Ümumiyyətlə, keçirdiyiniz yoxlama oyunları və sair?


İstədiklərimdən daha artığını ala bildim. Komanda və futbolçular işlərinə çox məhsuliyyətlə yanaşdı. Özlərini maksimum hazırlamağa çalışdılar. Əlbəttə ki, bu bir hazırlıq prosesidir. Düşünürəm ki, futbolçular öz üzərinə düşən vəzifəsinin öhtəsindən gələ bildilər. Buna görə, onlara təşəkkür edirəm. Yeni bir komandayıq. Kifayyət qədər dəyişmiş komandayıq. Yeni bir əsas komanda quacağıq. Bundan başqa futbolçuların bir - birlərinə, rotasiyaya, öyrəşməsi üçün zamana ehtiyac var. Lakin düşünürəm ki, yetirmələrim tez bir zamanda istdiyimi verə biləcəklər. Yəni baş məşqçi olaraq istədiyim sistemə oturacaqlar.

Bəs etdiyiniz transferlərdən necə razı qaldınızmı. Yoxsa, hələ hansısa mövqe üçün futbolçu və ya, legioner axtarırsınız?

Lazım olan yerlər üçün transferlərimizi etdik. Lakin hələ bir yerdə, daha doğrusu orta xəttlə bağlı problemimiz qalır. Qalan yerləri istədiyimiz, imkanımız çatacaq futbolçularla təmin etməyi bacardıq. Düşünürəm ki, götürdüyümüz futbolçular bizim ümüdlərimizi doğruldacaqlar. Yəni istədiyimizi onlardan ala biləcəyik.

Şahin müəllim siz çox güclü və təcrübəli məşqçisiniz. İşlədiyiniz dovürlərdə də, az büdcə ilə belə döyüşkən bir kollektiv, komanda, formalaşdırmağı bacaran mütəxəssizsiniz. Bilirik ki, bu mövsüm də, rəqibləriniz olan klublar yaxşı səviyyədə transferlərini ediblər. Məncə, klubları bu mövsüm daha ağır, daha çətin çempionat gözləyir. Sizcə, Şahin Diniyev əlində olan maddiyat və imkanlarla keçən mövsümki kimi yenə də, döyüşkən komanda yarada biləcəkmi. Konkret sizin və "Səbail"in qarşısında bu dəfə hansı məqsədlər qoyulub?

Konkret cavab versəm onu deyə bilərəm ki, komanda sonuncu pillədə olamamaq uğrunda oynamayacağıq. Daha iddialı komanda olmağa çalışacağıq. "Səbail"in hədəfi dəyişmir. Premyer Liqada qalmaq uğrunda oynamaq, "Səbail"lə yaraşmır. Çalışacağıq ki, yaxşı, döyüşkən, nəticə qazanan kollektiv yaradaq. Əlimizdən gələni edəcəyik ki, yaxşı nəticələr əldə edək. Dünən mən bizim yaş həddimizə baxmışam. Bizim yaş həddimiz hardasa 23,7-yə bərabərdi.Bu onu göstərir ki, biz gənc komandayıq. Lakin buna baxmayaraq böyük işlər görmək qabiliyyətinə malik futbolçularımız var. Hələ ki, çempionatın başlamasına 15 gün vaxt var. Çalışacağıq ki, əyri-əskiklərimiz üzərində işləyib, onları düzəldək.

Əli HƏYATİ