- Nəticə bizi qane edə bilməz. Çünki xeyli sayda qol şanslarımız olsa da, onları boşa verdik. Rəqibin qapıçısını dəstəkləmək istərdim. O, möhtəşəm oyun keçirdi. Düzdür, sonda texniki səhvə yol verdi. Qarşıdakı matçlarda ona uğurlar arzu edirəm.

- “Qarabağ” “Sabah”dan son 2 oyunda 7 qol buraxdı. Bu, çox deyil?

- Çoxdur, razıyam. Lakin bunun səbəbləri var.

- Məsələn, hansı səbəblər?

- Kubokda cavab oyununda nisbətən rahat idik. Çünki ilk matçda böyükhesablı qələbə qazanmışdıq. Həmin görüşdəki qolları hardasa bununla əlaqələndirmək olar.

- Deməli, çempionatdakı xal itkisi də ikinci pillə ilə aranızdakı xal fərqinin çox olmasına görədir?

- Xeyr, belə düşünmürəm. Xal fərqi çox olsa da, biz hər matça 100 faiz motivasiya olmağa çalışırıq. Bəlkə də komandanın fikri daha çox “Braqa” ilə matçda idi. Bu da səbəb ola bilər. Amma öz adımdan deyə bilərəm ki, bütün fikrimi “Braqa” yox, məhz bu matça yönəltmişdim.

- “Qarabağ”ın son 2 çempionat oyununda qapılara 8 penalti təyin olunub...

- İlk növbədə onu deyim ki, penalti qərarlarının hamısı düzgün idi. İstər “Səbail”lə oyunda olsun, istər “Sabah”la. Penaltilərin çoxluğuna konkret səbəb göstərmək çətindir. Ola bilər bu, cərimə meydançasındakı aktiv oyunla əlaqədardır. Yaxud diqqətsizlikdən, konsentrasiyanın itirilməsindən də irəli gələ bilər.

- Qarşıdakı “Braqa” ilə matçdan gözləntiləriniz nədir?

- İlk növbədə yaxşı, maraqlı oyun gözləyirəm. Stadionda gözəl atmosfer olacaq. Biz də layiqli mübarizə aparmaq üçün əlimizdən gələni edəcəyik.

- Rəqibin hansı üstünlüklərini qeyd edə bilərsiniz?

- Açığı, hələ “Braqa”nın oyununu komanda şəklində izləməmişik. Qarşıdakı günlərdə təhlillər aparılacaq. Yalnız Çempionlar Liqasındakı bəzi matçların müəyyən epizodlarına baxmışam. Ona görə də üstün, yaxud zəif tərəfləri barədə çox da məlumatlı deyiləm.

- “Braqa” - “Qarabağ” oyununda hansı amil həlledici olacaq?

- Kim oyuna daha yaxşı köklənsə, kim daha az səhv etsə, o

mənbə qol.az