“Braqa”nın hücumçusu Simon Banza UEFA Avropa Liqasının pley-off mərhələsində” “Qarabağ"la oyun ərəfəsində başqa kluba keçə bilər.

Futbolmedia.az yerli mətbuata istinadən xəbər verir ki, konqolu futbolçu Portuqaliyada başqa klubun maraq dairəsinə düşüb.

Qış fasiləsində hücum xəttindəki problemi yoluna qoymağı planlaşdıran “Benfika” 27 yaşlı forvardı transfer edə bilər. Banza Lissabon təmsilçisi üçün alternativlərdən biridir. Oyunçu hazırda 14 qolla Portuqaliya çempionatında bombardirlər yarışına başçılıq edir.

“Qarabağ”la “Braqa” arasında oyunlar fevralın 15-də və 22-də keçiriləcək.