"Futbolçularıma təşəkkür edirəm, hər iki matçda yaxşı oynadılar. Hesabda önə keçə bilərdik. Deyvis iki sarı vərəqə ilə meydandan qovula bilərdi. Barışın ayağına basmışdılar. Bunlar oyundakı qırılma anları oldu. Yaxşı komandaya qarşı istədiyimiz kimi oynadıq. Rəqibin oyunçuları əla formadadır. "Bavariya" Çempionlar Liqasını qazana biləcək komandadır".

Futbolmedia.az xəbər verir ki, bu sözləri "Qalatasaray"ın baş məşqçisi Okan Buruk Çempionlar Liqasının qrup mərhələsinin 4-cü turunda "Bavariya"ya 1:2 hesabı ilə uduzduqları oyundan sonra keçirilən mətbuat konfransında deyib.

O, məqsədlərinin qrupdan çıxmaq olduğunu bildirib: "1 xal qazana bilsəydik, qrupdan çıxmaq rahat olardı.Son dəqiqələrə kimi çalışdıq, amma hesabı dəyişdirə bilmədik.İkardinin əzələ ağrısı oldu və özünü yaxşı hiss etmədiyi üçün əvəzlənmək istədi. Yorğun futbolçuları da çıxarmalı olduq.Zieşə diqqət yetirmək istəyirik. 3 gün sonra matçımız var. Hazırda ciddi zədəmiz yoxdur"

Mütəxəssis söyləyib ki, hazırda daha çox xalları ola bilərdi: "Qrupdan çıxmağımız haqda danışa bilərdik. Düzgün oyun nümayiş etdiririk.. Bu il komandaya çoxlu yeni futbolçu qatıldı.Komanda olaraq yaxşılaşmağa başladıq. Növbəti hədəfimiz qalan 2 matçda qalib gəlib qrupdan çıxmaqdır. Bütün azarkeşlərə təşəkkür etmək istəyirəm. Biz buradan xalla ayrılmaq istəyirdik. Əgər 1:0 önə keçsəydik, bizim üçün başqa cür ola bilərdi. İlk dəfə Çempionlar Liqasında çıxış edən hakim oyunumuza təyinat almışdı. Səhv etməsi normaldır. İstədiyimizi etməyə çalışdıq. Sayılmayan qolumuz oldu. Ümumilikdə yaxşı çıxış etdik. Futbolçularım əllərindən gələni etməyə çalışdılar. Onlara təşəkkür edirəm".