"Qalatasaray"ın baş məşqçisi Okan Buruk Çempionlar Liqasının qrup mərhələsinin 3-cü turunda "Bavariya"ya uduzduqları matç (1:3) haqqında fikilərini bölüşüb.

Futbolmedia.az xəbər verir ki, o, oyundan sonra EXXEN-ə açıqlamasında Münhen təmsilçisinə qarşı layiqli mübarizə apardıqlarını deyib:

"Bəlkə də uzun zamandır sadəcə hesab baxımından yox, oyun baxımından da "Bavariya"nın əzildiyini görən olmayıb. Təbii ki, əsas olan nəticədir. Rəqibimiz xüsusilə 2-ci hissədə oyunu əla aldı. İlk hissədə üstünlük bizdə idi. İlk hissədə 5-6 qol vura bilərdik. "Bavariya" Çempionlar Liqasının 2-ci favoriti kimi göstərilir. Bəzi anlarda pis çıxış etdik, rəqibə şans verdik. Amma bu gecəni 3 xalla başa vura bilərdik. Rəqibimiz şansları daha yaxşı dəyərləndirdi. Yüksək tempdə oynadq. Buraxdığımız 2-ci qol sayəsində uduzduq. Qrupun ən yaxşı klubuna, 36 oyundur. məğlub olmayan komandaya qarşı öz gücümüzü göstərdik. Digər matçlarda da belə olacaq. Hədəfimiz qrupdan çıxmaqdır. Bir türk komandasının uzun illərdir oynamadığı qədər, güclü bir komandaya qarşı ən güclü futbolu oynadıq. Bunu da meydandakı futbolçular bacardı".

Qeyd edək ki, bu komandalar arasında növbəti oyun - 4-cü tur görüşü noyabrın 8-də Münhendə keçiriləcək və saat 00:00-da başlayacaq.