"Bavariya"nın baş məşqçisi Tomas Tuxel Çempionlar Liqasının qrup mərhələsinin 2-ci turunun "Kopenhagen"ə qarşı keçirəcəkləri matç haqda danışıb.

Futbolmedia.az xəbər verir ki, mütəxəssis qrup mərhələsini lider kimi tamamlamaq üçün əllərindən gələni edəcəklərini deyib:

“Çempionlar Liqasındakı hər bir rəqibə böyük hörmətim var. Bu, dünyanın ən çətin klub yarışıdır. “Kopenhagen” ötən mövsüm Çempionlar Liqasında heç bir ev oyununda uduzmayıb. Onlar “Mançester Siti”, “Borussiya” və “Sevilya” ilə bərabər şəraitdə mübarizə aparıblar. Amma bizim də stimulumuz var. Qrupda birinci yeri tutmaq çox vacibdir”.

Xatırladaq ki, 1-ci turda “Bavariya” evdə “Mançester Yunayted”i məğlub edib (4:3), “Kopenhagen” isə səfərdə “Qalatasaray”la heç-heçə edib (2:2). Bu komandalar arasında 2-ci tur oyunu sabah keçiriləcək və Bakı vaxtı ilə saat 23:00-da başlayacaq.