"Rəqibi təbrik edirəm. Bu gün ən yaxşı oyunlarımızdan birini keçirdik. Yeni gələn oyunçular üçün bir az çətindir. "Sabah"ı ilk dəfədir görürlər. Top rəqibdə olanda da nə etməli olduğumuzu bilirdik. Futbolçuları təbrik etdim. 4 gündən sonra təxirə salınmış oyunumuz olacaq. Bizi məyus edən İsa Sulimanın zədələnməsidir. Zədəsi ciddi olsa, onu layiqincə əvəz edən olacaq".

Futbolmedia.az xəbər verir ki, bu sözləri "Sumqayıt"ın baş məşqçisi Samir Abasov Misli Premyer Liqasının 10-cu turunda "Sabah"a 1:3 hesabı ilə uduzduqları oyundan sonra keçirilən mətbuat konfransında deyib.

"Artıq hakimlər gestapoya çevrilib, hər sözə sarı vərəqə verirlər. Məşqçi sözünü deməlidir. Biz də oyunun içindəyik. Fikriniz nədir sizin? Bəzi şeylərdə güzəşt olmalıdır. Bunlar oyunun bir hissəsidir. Öz işlərini rahatlaşdırmaq üçün edirlər. Ümumi olaraq bu gün hakimlik pis deyildi. Mənim sarı vərəqə görməyim normaldır. Bu, birinci dəfə deyil. Bundan sonra da olacaq" - deyə o bildirib.

Mütəxəssis narazı qaldığı məqamlarının olduğunu vurğulayıb: "4 gün sonra oyun var və nəsə deyə bilmərəm. Bəzi oyunçuların üzərində dayanacam. Sadə epizodlarda məsuliyyəti üzərinə götürməyənlər oldu. Kölgədə dayanmaq komandaya da təsir edir. Bunları düzəldəcəyimizə inanıram. Bizə görə keyfiyyətli oyunçulardır. Yenidilər, bu komandaları tanıya-tanıya düzələcək".

S.Abasov "Sabah"ın baş məşqçisi Murad Musayev tez-tez rəqiblərin vaxt uzatdığı barədə söylədiyi fikrə belə münasibət bildirib: "Yusif İmanov yerdə qalanda kinayə ilə əl çaldım. Bu, sırf Murad Musayevə və "Sabah"a cavab idi. Görürsüz, sizdə də olur. Oyundan sonra futbolçular da yaxınlaşdı ki, siz düz deyirsiz. "Neftçi"də olanda burada "Sabah"a 2:0 qalib gəlirdik. Sonra qollar vuruldu. Həmin matçda Saşa Stamenkoviç vaxt uzadırdı. Həmin oyundan sonra vaxtın uzadılması ilə bağlı narazılıq etdim, lakin tənqid olundum. Vaxt apardığı üçün komandadan futbolçu qovmuşam, cərimələr yazmışam. Mənim komandalarım heç vaxt oyunun vaxtını uzatmayıb. Uzadanda da qələbə üçün ediblər.