“Neftçi”nin Avropa Liqasının 3-cü mərhələsindəki rəqibi HİK heyətini iki yeni futbolçu cəlb edib.

Futbolmedia.az klubun saytına istinadən xəbər verir ki, Finlandiya təmsilçisi Polşa “Poqon”unun oyunçusu Santeri Hostikkanın transferini yekunlaşdırıb. 23 yaşlı yarımmüdafiəçi ilə müqavilə 2022-ci ilin yayına qədər nəzərdə tutulub.

Klub eyni zamanda "Olimpik"in (Donetsk) hücumçusu Taddeus Nkengi transfer edib. Onunla da 2022-ci ilin iyununa kimi müqavilə imzalanıb.

Qeyd edək ki, “Neftçi” HİK-lə ilk oyununda heç-heçə edib – 2:2. Bu komandalar arasındakı cavab oyunu avqustun 12-də, Finlandiyada keçiriləcək.