AFFA İntizam Komitəsinin növbəti iclası keçirilib.

Futbolmedia.az xəbər verir ki, tədbirdə aşağıdakı qərarlar qəbul olunub.

07.09.2026-cı il tarixində II Liqada II turun “Qaradağ Lökbatan”– “Şirvan” oyununda “Şirvan” komandasında 5 nəfər sarı vərəqə aldığı üçün “Şirvan” komandası 70 manat cərimə edilsin (maddə 43.1);

07.09.2026-cı il tarixində II Liqada II turun “Qaradağ Lökbatan”– “Şirvan” oyununun II hissəsi “Şirvan” komandasının meydançaya gec çıxması səbəbindən gec başladığı üçün “Şirvan” komandası 300 manat cərimə edilsin (maddə 77.4);

07.09.2026-cı il tarixində II Liqada II turun “Ağdaş”– “Şəmkir” oyununda “Ağdaş” komandasının 5 futbolçusu sarı vərəqə aldığı üçün “Ağdaş” komandası 70 manat cərimə edilsin (maddə 43.1);

07.09.2026-cı il tarixində II Liqada II turun “Ağdaş”– “Şəmkir” oyununda təşkilati-texniki öhdəliklər pozulduğuna görə “Ağdaş” komandası 100 manat cərimə edilsin (maddə 68);

07.09.2026-cı il tarixində II Liqada II turun “Ağdaş”– “Şəmkir” oyunu Təcili Tibbi Yardım avtomobilinin gec gəlməsi səbəbindən gec başladığı üçün “Ağdaş” komandası 200 manat cərimə edilsin (maddə 57.2);

07.09.2026-cı il tarixində II Liqada II turun “Ağdaş”– “Şəmkir” oyununda “Şəmkir” komandasının 5 futbolçusu sarı vərəqə aldığı üçün “Şəmkir” komandası 70 manat cərimə edilsin (maddə 43.1);

08.09.2026-cı il tarixində II Liqada II turun “Dinamo”– “Zəngəzur” oyununun 87-ci dəqiqəsində “Dinamo” komandasının 44 nömrəli futbolçusu Əli Məmmədli hakimin qərarına etiraza görə ikinci sarıdan qırmızı vərəqə aldığı üçün 1 oyun oyuna buraxılmasın, “Dinamo” komandası 250 manat cərimə edilsin (maddə 51.2);

08.09.2026-cı il tarixində II Liqada II turun “Dinamo”– “Zəngəzur” oyunundan əvvəl “Zəngəzur” komandası matçın ilkin protokolunu elektron bazada gec təsdiq etdiyinə görə 150 manat cərimə edilsin (maddə 84.1);

08.09.2026-cı il tarixində II Liqada II turun “Dinamo”– “Zəngəzur” oyununun 86-cı dəqiqəsində “Zəngəzur” komandasının 55 nömrəli futbolçusu Firuz Əhmədov ikinci sarıdan qırmızı vərəqə aldığı üçün 1 oyun oyuna buraxılmasın, “Zəngəzur” komandası 50 manat cərimə edilsin (maddə 17.5, 17.7);

08.09.2026-cı il tarixində II Liqada II turun “Marafon”– “Difai” oyununun 83-cü dəqiqəsində “Difai” komandasının 71 nömrəli futbolçusu Fəzail Şirxanzadə ikinci sarıdan qırmızı vərəqə aldığı üçün 1 oyun oyuna buraxılmasın, “Difai” komandası 50 manat cərimə edilsin (maddə 17.5, 17.7);

08.09.2026-cı il tarixində II Liqada II turun “Marafon”– “Difai” oyununun 90+4-cü dəqiqəsində “Difai” komandasının 21 nömrəli futbolçusu Emil Binyətzadə qeyri-etik ifadə və ya hərəkətə görə birbaşa qırmızı vərəqə aldıqdan sonra hakimləri təhqir etdiyinə görə 4 oyun oyuna buraxılmasın, “Difai” komandası 1000 manat cərimə edilsin (maddə 52.4);