"Mingəçevir"də iki aydan artıqdır əməkhaqları ödənilmir.

Futbolmedia.az xəbər verir ki, bu barədə Sportal.az saytına futbolçular məlumat verib.

Oyunçular klub rəhbərliyinin üzərinə götürdüyü heç bir öhdəliyi yerinə yetirmədiyini bildirib.

Onların sözlərinə görə, yayda "Mingəçevir"i himayəsinə götürmüş şəxslər ilk vaxtlar müxtəlif vədlər versə də, indi heç biri ortalıqda yoxdur:

"Nə gələn var, nə də maraqlanan. Özümüzü yiyəsiz hiss edirik.

Maaşımızı kimdən istəyək, bilmirik. Baş məşqçidən soruşuruq, o da dəqiqə bir söz demir.

Elman Sultanova fikrmizi demişik, əgər MOİK-lə oyundan sonra pulumuz ödənilməsə, məşqə çıxmayacağıq. Çünki uşaqların bir çoxu Mingəçevirə kənardan gələnlərdir. Kirayə evlər tutublar, pulu ödənilmir.