"Qarabağ"ın gözlənilən transferi reallaşıb.

Futbolmedia.az klubun mətbuat xidmətinə istinadən xəbər verir ki, Ağdam təmsilçisi Kady Yuri Borqes Malinovskini heyətinə cəlb edib. Braziliyalı yarımmüdafiəçi ilə 2+1 illik müqavilə imzalanıb.

Qeyd edək ki, 25 yaşlı futbolçu ötən mövsüm Portuqaliyanın 2-ci divizionunda “Vilafrenkensi” klubunda çıxış edib, 27 oyuna 5 qol vurub. O, karyerasına “Koritiba”da başlayıb və müxtəlif illərdə Braziliyada “Londrina”, Portuqaliyada “Eştoril” kimi klublarda oynayıb.