“Real”ın və Fransa millisinin sabiq hücumçusu Kərim Benzema, Portuqaliya yığmasının Kriştiano Ronaldo olmadan daha baxımlı futbol oynaması ilə bağlı fikirlərə münasibət bildirib.

Futbolmedia.az “Kickoff”-a istinadən xəbər verir ki, 38 yaşlı forvard, vaxtilə “Real”da birgə çıxış etdiyi Ronaldo ilə bağlı bu fikirlə razılaşmayıb:

“Ciddisiz? Portuqaliya millisi qalib gəldi və bəli, Ronaldodan sonra onların oyunu daha çevik görünə bilərdi. Amma bu, Ronaldonun mirasını silmir. Bir qələbə və birdən-birə insanlar bu ölkəni illər ərzində qolları, rekordları və qələbəyə olan həvəsi ilə çiyinlərində daşıyan şəxsin kim olduğunu unudurlar. Futbolda yaddaş qısadır”.