"Sumqayıt" FK-nın yeni transfer toplanışı ilə bağlı təəssüratlarını klubun mətbuat xidməti ilə bölüşüb.

Futbolmedia.az xəbər verir ki, o, burada olduğu üçün çox xoşbəxt olduğunu deyib: "Komandada hər kəs çox qonaqpərvərdir. Toplanış boyunca məşq və matçlar zamanı biz bir-birimizin oyun tərzini daha yaxşı anlamağa çalışdıq. Bir sıra istedadlı oyunçularımız var. Ona görə də mövsümün başlamasını səbirsizliklə gözləyirəm.

Liqa və ya klub haqqında çox şey bilmirdim, amma daha çox məlumata sahib olmaq üçün düşərgədəki hər kəsə çoxlu suallar verirəm. “Sumqayıt”da çıxış etmiş futbolçulardan birini tanıyıram. O, mənə klub haqqında ancaq müsbət fikirlər söyləyib".

Pakistanlı müdafiəçi bildirib ki, yaxşı çıxış etsələr, daha yaxşı imkanları da olacaq: "Hazırda yeganə diqqətim "Sumqayıt" üçün hər şeyi vermək və klubun nail olmağa çalışdığı məqsədlərə çatmaqda kömək etməkdir.

Oyunçularla ünsiyyət qurmaq çox asandır. Bir çox oyunçumuz ingilis dilində danışır. Amma meydanda mənim əsas güclü cəhətlərimdən biri danışmaq və təşkilatlanmadır. Bu da mənim mövqeyimdə çox vacibdir. Artıq Azərbaycan dilində bəzi sözləri öyrənmişəm. Bir az çətin bir dil olsa da, mənim prioritetlərimdən biri meydanda istifadə etməli olduğum açar söz və ifadələri öyrənməyə çalışmaqdır.