"Sumqayıt" klubu transfer çalışmalarını davam etdirir. Bir çox futbolçunu heyətinə qatan, bir çoxlarını komandadan göndərən "Sumqayıt" klubunun yeni transfer hədəfi məlum olub. Futbolmedia.az saytı etibarlı mənbədən aldığı məlumata görə, komandanın baş məşqçisi Samir Abbasov "Səbail"in yarımmüdafiəçisi Rafael Məhərrəmlini sərəncamında görmək istəyir. Futbolçunun hələ "Səbail"lə müqaviləsinin olduğu deyilir. Lakin S,Abbasov rəhbərliyə təkidlə onu rəhbərliyi altında görməyini tələb edib. Yaxın zamanlarda Rafaelin "Sumqayıt"a keçidi rəsmləşəcəyi gözlənilir.