"Barselona"nn baş məşqçisi Xavi bu mövsüm İspaniya çempionu olmaqları haqda danışıb.

Futbolmedia.az "Marca"ya istinadən xəbər verir ki, mütəxəssis bunadək "Barselona"nın çətinliklərlə üzləşdiyini qeyd edib:

“İndi özümüzü əla hiss edirik. Yaxşı iş gördük. Hər şey iyulda başladı, on ay işlədik, fədakarlıq etdik. Azarkeşlər və klub buna layiqdir. Bu işlər sayəsində biz sabitliyə, təhlükəsizliyə nail olduq.

Möhtəşəm matçda titulu təmin etdik. Bayram etməkdə səhv heç nə yoxdur, amma başa düşürəm ki, biz evdə - öz stadionumuzda deyilik. Ona görə də hörmətsizlik etmək olmaz. Özümü saxlamağın nə qədər çətin olduğunu başa düşürəm, amma oyunçulara dedim ki, indi edə biləcəkləri ən yaxşı şey meydandan mümkün qədər tez çıxmaqdır.

Çətin anlar yaşadıq, tənqidlər çox oldu. Gördüyümüz iş lazım olduğu kimi qiymətləndirilmir. Amma bura "Barselona"dır və mən işlərin necə getdiyini bilirəm".

Qeyd edək ki, "Barselona" ötən gecə La Liqanın 34-cü turunda "Espanyol"a 4:2 hesabı ilə qalib glərək xallarının sayını 85-ə çatdırıb və sona 4 tur qalmış çempion olub.