“Barselona”nın baş məşqçisi Xavi “Qalatasaray”la matçı şərh edib.

Avropa Liqasının 1/8 final mərhələsinin bu komandalar arasındakı “Nou-Kamp”da ilk oyun heç-heçə (0:0) yekunlaşıb.

Futbolmedia.az “Marca”ya istinadən xəbər verir ki, görüşdən sonra keçirilən mətbuat konfransında Xavi deyib:

“İkinci hissədə biz oyunumuzu artırdıq. Rəqibin müdafiədəki güclü oyunu bizi təəccübləndirdi. İnyaki Penya yaxşı təsir bağışladı. Biz son oyunlardakı kimi deyildik. Onların mərkəz müdafiəçiləri fenomenal idilər və bizə qol vurmağa imkan vermədilər. Biz oyunda diktə etsək də, qol vura bilmədik. Daha yaxşı hücumlar qurmalı idik. Bu, Avropa Liqasıdır. Komandalar bura öz layiqli oyunlarına görə gəliblər”.