“Qalatasaray” bu qış PSV-yə icarəyə verdiyi Patrik van Anholtun daha bir mövsüm Niderland klubunda qalacağını açıqlayıb.

Futbolmedia.az saytı Türkiyə mətbuatına istinadən xəbər verir ki, bu barədə İstanbul təmsilçisinin mətbuat xidməti məlumat yayıb.

32 yaşlı müdafiəçi 2023/24 mövsümünün sonuna kimi icarədə oynayacaq.

Qeyd edək ki, Van Anholt 2021-ci ildən oynadığı “Qalatasaray”da 62 oyun keçirib və 3 qol vurub. O, əvvəllər “Kristal Pelas”, “Sanderlend”, “Vitess”, “Uiqan”, “Lester Siti”, “Nyukasl”, “Koventri Siti” və “Çelsi”də də oynayıb. Patrik Niderland yığmasında 19 matça çıxıb.