“Eyni anda bir çox duyğu yaşadım. Sonluq gərgin keçdi, amma futbolçular fantastik oynadılar. Onların qalib gəldiyinə şadam və bu, hər kəs üçün əladır".

Futbolmedia.az saytı İngiltərə klubunun rəsmi saytına istinadən xəbər verir ki, bu sözləri "Çelsi"nin baş məşqçisi Qrem Potter Çempionlar Liqasının 1/8 finalında Dortmund "Borussiya"sına 2:0 hesabı ilə qalib gəldikləri cavab oyunundan (ilk matç - 0:1) sonra deyib.


"Paltardəyişmə otağı fantastik idi. Biz çətin dövrdən keçdik və bu turnir bizim üçün çox şey deməkdir. İrəliləmək və 1/4 finala çıxmaq istəyirdik. Bu, növbəti bir neçə həftə üçün əhval-ruhiyyəni müəyyən edəcək" - deyə o bildirib.

Mütəxəssis bu görüşü unudub şənbə günü İngiltərə Premyer Liqasında keçiriləcək “Lester”lə oyuna hazırlaşmalı olduqlarını vurğulayıb: "Çətin dövrdən sonra qələbə futbolçular üçü əladır. Bu, həyatda olur və hər şey sizin necə reaksiya verdiyinizdən asılıdır. Oyunçular fantastik reaksiya verdilər. Bunu etmək asan deyildi. Biz futbolçulara hörmətlə yanaşmalıyıq. Onlar hər şeylərini verdilər. İki oyuna əsasən mən daha da irəli getməyə layiq olduğumuzu düşünürəm".