Belçika "Gent"inin futbolçusu Endryü Hülsager Konfrans Liqasının pley-off mərhələsində "Qarabağ"la ilk oyun öncəsi mətbuat konfransında iştirak edib.

Futbolmedia.az xəbər verir ki, o, Ağdam təmsilçisinin yaxşı komanda olduğunu bildirib: "Sabahkı matçda komandama köməklik etməyə hazıram. Nəticə üçün əlimizdən gələni etməliyik. Bizim üçün çətin olacaq. Rəqib evdə və səfərdə yaxşı mübarizə aparır".

Qeyd edək ki, sabah Tofiq Bəhramov adına Respublika Stadionunda keçiriləcək "Qarabağ" - "Gent" oyunu saat 21:45-də başlayacaq. Bu komandalar arasında cavab matçı isə 1 həftə sonra Belçikada olacaq.