"Mançester Yunayted"in baş məşqçisi Erik ten Haq İngiltərə Premyer Liqasının 3-cü turunda "Liverpul"a 2:1 hesabı ilə qalib gəldikləri oyunu şərh edib.

Futbolmedia.az "BBC Sport"a istinadən xəbər verir ki, o, matçla bağlı deyib: "Bu, hələ başlanğıcdır. Biz daha soyuqqanlı və təhlükəli oynaya bilərik. Bu gün etdiyimiz kimi komanda ola bilərik, ruhumuzu göstərə bilərik.

Raşford və Sançonun qol vurmasına şadam. Fernandeş tapşırığı üzərinə götürdü, kapitanın sarğısı onu ruhlandırdı. O, Varan kimi liderlik keyfiyyətlərini nümayiş etdirdi. Onların oyuna böyük təsiri oldu. Bizə daha çox lider lazımdır, qalib gəlmək üçün onlara ehtiyacımız var".

Mütəxəssis komandasının oyunundan razı qaldığını söyləyib: "Amma təkcə “Liverpul”a qarşı deyil, bütün matçlarda belə oynamaq lazımdır. Premyer Liqada hər oyun çətin olur və hər zaman öz keyfiyyətlərini ortaya qoymalısan.

50-60 oyunumuz olacaq, matçdan matça heyəti seçəcəyik. Maquayre və Ronaldo haqqında bir daha danışmağa ehtiyac yoxdur. Onlar əla oyunçulardır və qısa müddətdə öz töhfələrini verəcəklər. Düzgün heyətimiz var, buna əminəm. Amma transfer pəncərəsi hələ bağlanmayıb və biz oyunçuların təkcə kəmiyyətini deyil, həm də keyfiyyətini nəzərə almalıyıq”.