Azərbaycan millisinin üzvü Mahir Emrelinin də çıxış etdiyi "Dinamo" (Zaqreb) bu gün Xorvatiya çempionatında növbəti matçına çıxacaq.

Futbolmedia.az xəbər verir ki, Zaqreb təmsilçisi 9-cu turunda təxirə salınmış görüşündə səfərdə "Hayduk"la qarşılaşacaq. Matç Bakı vaxtı ilə saat 21:00-da başlayacaq.

Qeyd edək ki, digərlərindən bir oyun az keçirən "Dinamo" hazırda turnir cədvəlində 66 xalla birinci, "Hayduk" isə 59 xalla 3-cüdür.

Xatırladaq ki, fevral ayından bu komandada oynayan Mahir Xorvatiya çempionatında 5 matçda 2 qol vurub.